Gold Margin Calculator (XAUUSD)
Trade kholne se pehle ye jan'na zaroori hai ke broker kitni raqam rok lega. Ye calculator XAUUSD price, lot size aur leverage se gold trade ka required margin nikalta hai — taake margin call se pehle hi pata ho ke kitni raqam lock hogi. Koi signup nahi, koi fee nahi, hisab tumhare browser me hi hota hai. Educational tool — demo-first, not financial advice.
Margin Nikalein
Yaad rakho: margin trade ki cost nahi, security deposit hai. Asal risk stop loss se tay hota hai — wo Lot Size Calculator se nikalo.
Formula kya hai?
Notional Value = Price × 100 × Lot Size
Required Margin = Notional Value ÷ Leverage
100 is liye ke 1 standard lot = 100 ounce gold hota hai. Leverage 100:1 ka matlab margin 1%, 50:1 ka matlab 2%, 20:1 ka matlab 5%.
Example
Price 4040, lot 0.10, leverage 100:1. Notional = 4040 × 100 × 0.10 = $40,400. Required margin = 40,400 ÷ 100 = $404. Wahi trade 1.0 lot par margin $4,040 hota — lot double to margin double.
3 ghaltiyan jo calculator nahi bacha sakta
1. Leverage ko risk samajhna — leverage risk nahi badalta, sirf locked raqam badalta hai. Risk lot size aur stop loss se banta hai.
2. Margin call ko ignore karna — free margin khatam hone par broker trades zabardasti band kar deta hai. Margin ko balance ka chhota hissa rakho.
3. Broker ka leverage assume kar lena — har broker aur har symbol ka leverage alag ho sakta hai. Apne MT5 ke contract specification me check karo.
FAQ
Margin kya hota hai?
Margin wo raqam hai jo broker trade kholne ke liye security deposit ke tor par rokta hai. Ye trade ki cost nahi hai — trade band hone par ye raqam wapas mil jati hai, jab tak loss ne use khatam na kar diya ho.
Leverage ka margin se kia rishta hai?
Leverage jitna bara, required margin utna kam. Formula: margin = notional value / leverage. 100:1 leverage par margin 1% banta hai, 50:1 par 2%, 20:1 par 5%. Leverage risk nahi badalta — wo sirf ye tay karta hai ke kitni raqam lock hogi.
Margin call kya hoti hai?
Jab trade loss me jaye aur free margin khatam hone lage, to broker margin call warning deta hai. Us ke baad broker trades zabardasti band kar sakta hai (stop out). Is se bachne ka tareeqa: margin ko balance ka chhota hissa rakho aur hamesha stop loss ke sath trade karo.
Lot size bara ho to margin kya hoga?
Lot double to margin double. Misal: price 4040 aur leverage 100:1 par 0.10 lot ka margin $404 hai, to 1.0 lot ka margin $4,040 hoga. Isi liye bara lot kholne se pehle margin zaroor check karo.
Kya ye calculator live account par use kar sakte hain?
Calculator hisab sahi deta hai, lekin ye financial advice nahi hai. Live account par trade karne se pehle demo par mahinon practice karo, aur apne broker ka leverage aur contract size (aam tor par 100 ounce per lot) zaroor check karo — har broker ka leverage alag ho sakta hai.
Mazeed parhein: Lot Size Calculator · Lot Size Guide · Risk Management (0.5% Rule) · MT5 Demo Account